Tügimes Altun

(Never-ending Gold - Uighur Folk Tale)

Burunning burunisida bir bovay ötken iken. Uning mumiyi ölüp këtip, üq oghli khalghan iken. U, khërip ajizlap, orun tutup yetip khaptu. özining emdi öre bolalmaydighanlikhigha közi yetken bovay bir küni üq oghlini aldigha qakhiriptu.

Bovay: "Balilirim, gepimge khulakh sëlinglar, körüp turupsiler, biz bay a'ile emes. Aranla iki mu yerimiz bar, biz evlad-evladimizdin tartip muxu ikki mu yerge tayinip hayat keqürüp keldukh. Bu yerge ata-boviliringlarning nahayiti köp mihnet-teri tökülgen. Bu yerning astida tügimes altun bar. Mendin keyin xu altunni izdep tapsanglar, hergiz khiynalmay kün körisiler. Mendin silerge khalidighan miras - ëtizdiki axu altunni tëpivëlinglar!" deptu.

Muxu vesiyettin keyin bovay birneqqe künge khalmayla vapat boptu. üq oghul dadisini qiraylikh yerlikide khoyup, nezir-qiraghlirini ötküzüptu.

"Dadimizdinmu ayrildukh", deptu bir küni oghullarning qongi, "Emdi hëlikhi altunni tapayli, khanqilik qikhsa xu bölüxeyli".

Xundakh khilip, ular ketmenlirini kötürüxüp qikhip, ikki mu yerning hemme yerini kolaxkha baxlaptu. Bir neqqe küngiqe yerni kolap tilghivetiptu, lëkin altun tepilmaptu.

Yene bir neqqe kün kolaptu, altun turmakh, bir parqe taxmu qikhmaptu. Oghullarning kongli lesside boptu.

Ular xunqe japa tartipmu altunni tapalmighanlikhigha jile bolüxüp öyige khaytip këlixiptu.

Ular yerni yene kolaverixtin yaltiyip, ikki mu yerge küzgi bughday tëriptu.

Bahar keptu. Bular altun tapimiz dep tola kolap yerni nahayiti yumxitivetkenliktin, maysilar ajayip bolukh ünüp qikhiptu. Bughday ajayip ohxap ketiptu.

Bughdaylar ghiriq bax ëlip, dan qanakhlirigha patmay këtiptu. Khipkhizil altun qex ëtizgha patmay khaptu. Ular hamanni aran ëlip boptu. Ozliri yeydighanni khaldurup khoyup, ëxip khalghan bughdayni sëtipmu tügitelmeptu.

Ular bughdayning puligha nurghun altun ëlip, öyge khaytixip keptu - de, sanap oltürüp: "Bizmu taza ehmekh ikenmiz, tügimes altunni tapimiz dep neqqe künlep etizni kolap yuruptukh. Altun digen mana emesmu! Dadimizning nime dimekqi ikenlikini öz vakhtida qüxenmeptukh".

"Dadimiz yerge komüp khoyghan altun yokhken, sap ter akhkhuzup emgek khilsanglar, muxu ikki mu yerdin tügimes altun qikhidu digini iken" diyixip hoxal külüxüp këtiptu.

Article added by Tughluk on Tuesday, December 27, 2005